Мемлекеттік рәміздері күніне орайластырылған «Көк тудың желбірегені» тартысты квесті

Бүгін балалар аула клубының тәрбиеленушілері Қазақстан Республикасының Мемлекеттік рәміздері күніне орайластырылған «Көк тудың желбірегені» атты тартысты квестке қатысты. Шараның ұйымдастырушысы — «Жастар Рухы» жастар қанатының корпоративтік қоры.

Квесттің негізгі мақсаты — тәрбиеленушілердің бойында патриоттық сезімді, мемлекеттік рәміздерге деген құрметті қалыптастыру, командалық іс-қимылды және белсенді азаматтық ұстанымды дамыту. Таза ауада өткен ойын барысында балаларға еліміздің рәміздерінің тарихы мен маңызына арналған 5 тақырыптық станциядан өту ұсынылды. Клуб тәрбиеленушілері зор қызығушылық пен құлшыныс танытып, тапсырмаларды белсенді орындады, сондай-ақ өздерінің тапқырлығы мен ауызбіршілігін көрсете білді.

Іс-шара соңында жеңімпаздар алғыс хаттармен, сыйлықтармен және құрметті кубоктармен марапатталды.
Квестті жоғары деңгейде ұйымдастырғаны үшін ұйымдастырушыларға және ерекше жігері мен патриоттық рухы үшін барлық тәрбиеленушілерге шынайы алғысымызды білдіреміз!