Наурыз мейрамына арналған жарқын әрі мазмұнды конкурс-ойын-сауық іс-шарасы өтті.

Бүгін Қостанай облысы әкімдігінің білім басқармасының Қостанай қаласы білім бөлімінің «Балалар аула клубы» КММ-де Наурыз мейрамына арналған жарқын әрі мазмұнды конкурс-ойын-сауық іс-шарасы өтті.

Мереке қуаныш, достық және ұлттық дәстүрлерге деген құрмет атмосферасында өтті. Алғашқы минуттардан-ақ қатысушылар мерекелік көңіл күйге бөленді: құттықтаулар айтылып, ақ тілектер жолданды, сондай-ақ
береке, бақыт пен молшылықтың белгісі саналатын «шашу» дәстүрі өткізілді.

Іс-шара барысында клуб тәрбиеленушілері қазақ халқының бай мәдениеті мен ұлттық ойындарын насихаттайтын қызықты сайыстарға қатысты. «Ауылдар» форматында ойын аймақтары ұйымдастырылып, командалар асық ату, қол күрес, арқан тарту, таяқ тарту, қаппен шайқас және басқа да ойындар бойынша өз бақтарын сынады. Қатысушылар ептілік, күш, тапқырлық және ең бастысы – командалық бірліктерін көрсете білді.

Іс-шараның ерекшелігі – командалардың жеребе арқылы құрылуы, бұл әртүрлі клубтардың балаларын біріктіріп, олардың қарым-қатынас дағдыларын дамытуға ықпал етті.

Мереке барлық қатысушыларды біріктірген ортақ флешмобпен аяқталды.

Осындай іс-шараларды өткізу ұлттық дәстүрлерді сақтау мен насихаттауға, өскелең ұрпақтың өз халқының мәдениетіне деген құрметін қалыптастыруға, сондай-ақ балалардың белсенді әрі мазмұнды демалысын ұйымдастыруға ықпал
етеді.