Көркем-эстетикалық тәрбие балалар аула клубтары тәрбиеленушілерінің әсемдікті қабылдау, сезіну және түсіну, жақсы мен жаманды байқап, өз бетінше шығармашылықпен әрекет ету қабілеттерін дамытуға, сол арқылы әр түрлі көркемдік іс-әрекеттерге баулуға бағытталған. Біз көркемдік-эстетикалық тәрбиені балалардың шындыққа деген көзқарасын қалыптастырудың маңызды құралы, олардың адамгершілік және ақыл-ой тәрбиесінің құралы, сайып келгенде, рухани бай және жан-жақты дамыған жеке тұлғаны қалыптастыру құралы деп санаймыз.
Балалардың рухани дүниесін қалыптастырудың таптырмас құралы өнер: әдебиет, музыка, халық шығармашылығы, кескіндеме, мүсін. Ол барлық жастағы балаларды эмоционалды және шығармашылықпен оятады. Осы бағытта жұмыс істейтін үйірмелерде театрландырылған және ойын алаңдары мен бейнелеу өнері бұрыштары ұйымдастырылған. Балалар аула клубтарының тәрбиеленушілері музыкалық сабақтарға қатысу арқылы музыкалық және шығармашылық қабілеттерін дамытады. Үстел үсті, қуыршақ, саусақ театрының көмегімен балалардың актер болуға деген құштарлығы оянады. Сондай-ақ балалар аула клубтарында өтетін барлық театрландырылған қойылымдарға қатысамыз.
Бейнелеу өнері студиясындағы сабақтарға қатысу арқылы балалар сурет салудың әртүрлі әдістерін үйренеді. Бейнелеу әрекеті көркем шығармашылықты дамытуға және осыған қажетті дағдыларды меңгеру қабілетін дамытуға бағытталған. Сурет арқылы балалардың көркемдік-эстетикалық талғамы дамиды.
